Sa interview sa DXDC RMN Davao kang PMSg. Junifer Hinampas, personahe sa Sta. Cruz MPS, iyahang gitataw nga niadtong 2023 pa ang audio message nga mikatag sa social media kalabot sa giingong abduction sa Barangay Bato.
Saysay ni Hinampas nga kagahapong sa buntag, Marso 31, 2024, dunay tawag nga ilang girespondehan human nga dunay mitawag sa Sta. Cruz MPS hotline nga dunay van nga nangdagit og bata.
Apan nasayrang nagabinoang ra ang nanawag sa PNP hotline, butang nga makig-alayon karon ang kapulisan sa National Telecommunications Commission (NTC) aron ma-trace ang tag-iya sa maong numero.
“Among giistorya nga “Wala ba ka kabalo nga ma-locate ka namo pinaagi sa imuhang SIM card registration? Ana sya nga mamatay nalang daw mi dili gyud daw sya ma-locate kay i-off daw niya iyang Google, tapos pwede ra daw mag-register karon nga walay picture. Bright daw siya. Mura daw sya’g si Einstein mao nang dili daw namo sya masakpan,” saysay ni Hinampas.
Pahimangno sa Sta. Cruz MPS nga likayan ang pagpakatag dili berepikadong impormasyon ug gilayong i-report sa otoridad ang mga insidente aron kini gilayong maaksyonan.
RadyoMaN Kirby Manzon
