Sa interbyu sa DXDC RMN Davao kang Police Major Rhuel Barachina, Acting Chief of Police (ACOP) sa Hagonoy MPS, gibutyag niini nga sa gihimong pag-imbestiga, walay natala sa barangay nga nagmabdos ug posibleng nanganak niadtong higayona, kanus-a nakaplagan ang bata sa lugar.
“Mura’g walay nagpa-record niadtong higayona kadtong duol sa nahitaboan. Walay nagpa-record sa barangay. Kay mura’g naa man nay mga regular check-up sa mga buntis ngadto sa mga barangay health worker,” sulti ni Barachina.
Matud ni Barachina nga adunay posibilidad nga gikan sa laing lugar ang bata tungod kay lapos ra ang dalan sa Hagonoy sa kasikbit nga mga munsipalidad sama sa Kiblawan, Matanao ug Padada.
Tambag sa police official sa mga dili kayang makabuhi sa bata ilabi na kadtong bag-ong gihimugso, nga makigkoordinar sa pulis o sa Department of Social Welfare and Development (DSWD) aron nga matabangan nga maplastar ug maatiman ang ilang anak.
RadyoMaN Kirby Manzon
