Gilabay nga patayng lawas sa babaye sa Malandag nailhan na

Malungon, Sarangani Province – Gikumpirma ni Police Lieutenant Colonel Edgar Yago, hepe sa Malungon Municipal Police Station nga nailhan na ang patayng lawas sa babayeng gilabay sa bakilid nga bahin sa dalan sa Sitio Buayan, Malandag, Malungon, Sarangani Province.

Matod kay Lt. Col. Yago, gahapon sa hapon nahidangat ang kabanay sa biktima nga nailhan na karon nga si Farida Kasan, hamtong ang edad og nagrenta sa Deca Homes Subdivision, Barangay Calumpang og lumad nga taga Maguindanao Province.

Dugang ni Yago, nga adunay dakong posibilidad na kalabutan sa iligal nga droga ang motibo sa pagpatay sa biktima.


Dugang imbestigasyon sa Malungon Municipal PNP ang biktimang si Kasan nakahiagom og daghang samad sa lawas og may pinusilan usab sa iyahang agtang.

Gigapos pa ang duha ka kamot sa biktima gamit ang duct tape samtang gitabunan lang og face mask ang iyang dagway dihang kini gilabay.

Base sa crime scene, gihimo ang pagpatay sa biktima pinaagi sa summary execution.
For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 116587304_582940619059820_876836758237639033_n.jpg]

Facebook Comments