South Cotabato- gibutyag ni Presidential Adviser on the Peace Process Sec. Jess Dureza nga nagmugna si Pangulong Rodrigo Duterte ug laing ahensya alang sa mga Indigenous People nga mutotok sa mga problema sa mga IP’s sa nasud.
Atol sa pagbisita ni Dureza sa South Cotabato particular na sa lungsod sa Tboli dungan sa Seslong Festival kagahapong adlawa, iyang gikumperma ang pagmugna sa bag-ong ahensya nga gitawag ug “IP Table” nga dumalahan matud pa ni USEC Allen Capuyan.
Ang IP Table ilawom sa buhatan sa Department of Interior and Local Government (DILG) kansa mao nay mutabang sa mga problema sa IP’s sa tibuok nasud diin nakasentro sa katungod, panginahanglan ug mga yangungo sa mga nahisgutan.
Samtang gikumperma usab ni Dureza nga apil sa mga tutukan sa IP Table mao ang pagkuha ug mga opinion sa mga lumad kalabutan sa giduso nga Bangsamoro Basic Law.
