Pilar, Capiz- Patay ang isa ka persona makaligad ini ang nalumos sa Brgy. Casanayan banwa sang Pilar alas 2:30 sang hapon.
Ginkilala ang biktima kay Zaldy Villar y Bellosillo,54-anyos ang pang-edaron nga residente sang nasambitan nga lugar.
Suno sa Pilar PNP, nasapwan sang anak sini ang patay na nga lawas sang biktima sa kadagatan nga sakop sang Sitio Kan-on sang Brgy. Casanayan.
Ginapatihan nga gin-atake sang balatian sini nga epilepsy ukon biling ang biktima samtang nagapangisda nga ginatawag “hudhod”.
Kumbinsido naman ang pamilya sang biktima nga wala sang foul play sa kamatayon sini.
Facebook Comments
