Roxas City, Capiz- Gin-agda sang mga katapo sang Police Community Relations section sang Roxas City PNP ang publiko nga buylogan ang igapatigayon nga 23rd PCR (Police Community Relations) Month Celebration sa subong nga bulan sang Hulyo.
Suno kay Police Senior Inspector Maria Shiela Albances kag PO3 Ramil Arcangeles, pila ka mga aktibidades ang nakalinyada kaparehas sang gift giving sa mga senior citizen kon sa diin bukas naman ang talatapan sang Roxas City PNP para sa donasyon; coastal clean-up drive; school kag barangay visitation; dental mission; selfie fun run kag blood letting activity nga tuman naman ka importante sa subong nga tiyempo kon sa diin posible nga maga-atake ang masakit nga dengue.
Suno pa kay Arcangeles nga katuyoan sang amo nga hilikuton nga makapalapit kag maka-establisar sang maayo nga relasyon ang mga kapulisan sa komunidad.
May kaangot sini ginhingyo naman ni Albances ang suporta sang publiko para sa mga aktibidades sang 23rd PCR Month celebration.
(photo: Roxas City Pulis PCR account)
