Report ni: Tita Jen Palomo Debaja
Takna alas 10: 15 sang Domingo sang gab-i sang ginraid ang isa ka Bar sa Philippine Shop sa Yuen Long New Territories. Arestado ang isa ka 40 anyos nga Pakistani national nga ginapatihan tag iya sang nasambit nga bar.
Tungod sa mga series sang pag-amok kag mga report sang rumble sa nasambit nga lugar, nag tingub pwersa ang Yuen Long District Special Duty Squad kag Tactical Unit personnel agud arestuhon ang 40-anyos nga Pakistani takna alas 8:00 sang gab-i Abril 15, 2018 sa kaso nga “UNLICENSED ALCOHOLIC DRINK” kag sa sinage nga “NO ALCOHOLIC BEVERAGES AVAILABLE FOR SALE “.
Arestado man ang 15 ka south asian, pila ka Pinay kag 8 ka African-American nga naaktuhan nga naga ininom sa nasambit nga bar nga wala sang lisensya para magbaligya sang ilimnon.
Gin kumpiskar sang kapulisan ang kwarta nga naga balor sang HK$3,200. 470 ka botelya sang beers nga may total value nga HK$9,400. Detained man sa Yuen Long Police station ang mga arestado nga mga babaye kag lalaki para sa padayon nga imbistigasyon.
Base sa pahayag sang HK Police, ang pagbaligya sang makahulubog nga ilimnon nga wala sang lisensiya gina kabig isa ka serious offense kag kon sin-o man ang madakpan kag mapamatud-an guilty, naga pangatubang sang $1 million nga multa kag 2 ka tuig nga pagka priso.
Subong man, ang madakpan o maaktuhan sa lugar nga naga patigayon sang ilegal nga aktibidad maga pangatubang sang multa nga HK$2,000.
(C) Hong Kong.CC.ON
