Ginrelieve na sanday Police Supt. Ruby Gumban kag PO1 Tagacay kag temporaryo nga gin-assign sa Regional Police Holding and Accounting Office ukon RPHAO sa Campo Delgado.
Ini ang ginkumpirmar ni Supt. Gilbert Gorero , spokesman sang PRO-6 kasunod sang paglamita kanday Gumban kag Tagacay sa operasyon sang illegal nga sugal.
Suno kay Gorero nga ginpapanaugan gilayon sang relief order sanday Gumban kag Tagacay agud imbestigahan kasunod sang pagtumod sa ila ni NAPOLCOM 6 regional director Atty. Joseph Celiz nga involve sa illegal gambling operation sa probinsya sang Iloilo.
Suno kay Gorero nga ang sin-o man nga opisyal sang police nga ginaduha-duhaan nga may kahilabtanan sa illegal nga buluhaton kasubon sang ilegal gambling ang indi na dapat pagpadugayan kag kinahanglan nga imbestigahan kag agud indi nila maimpluwensyahan ang himuon nga imbestigasyon, nagakadapat nga i-relieve sila sa puwesto.
