Roxas City, Capiz – Nagdangop sa dyVR RMN Roxas ang isa ka lola agud nga ireklamo ang ginapahayag kapalpakan sang isa ka nurse sa Roxas Memorial Provincial Hospital nga kabangdanan sang kamatayon sang bag-o bun-ag sini nga apo.
Emosyonal nga ginsaysay ni Merlyn Fajarillo sang Cuartero, Capiz nga matapos gin-inject sa dapa-dapa ang 2-days old nga lapsag, nagpanggit-om ini kag didto na gin-talabangan sang mga nurses.
Suno pa sa lola, mabaskog ang amo nga lapsag sang ginbun-ag apang ginkakibot na lamang sang mga ini ang natabo.
Pahayag dugang ni Merlyn Fajarillo, trauma ang nabatyagan subong sang pamilya bangud sa gina-alegar nga kapalpakan sang serbisyo sang nurse.
Natalana pa nga kuhaan sang nagakaigo nga pahayag ang bahin sang ospital angut sa nasambitan nga reklamo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
