Motabang si kanhi Environment Secretary Gina Lopez sa rehabilitasyon sa Butuanon River sa dakbayan sa Mandaue .
Uban sa mga stakeholders nga gipanguluhan sa kagamhanan sa dakbayan sa Mandaue ,giduaw ni Lopez ang Butuanon River kagahapon aron i-assess ang situwasyon sa sapa ug unsay angay nga mahitabo subay sa pagrehabilitate niini .
Sa wa pa ang pagsusi sa sapa gipresentar una ni Lopez atubangan sa City Council ang gihimo nila nga rehabilitasyon sa Pasig River nga mas lisod himoon kaysa sa Butuanon River .
Ang presidente sa Mandaue Chamber of Commerce and Industry kon MCCI nga si Glenn Soco nibutyag nga ilang nahisgutan ang rehabilitasyon sa Sapa sa Butuanon atol sa pagduaw ni Lopez sa isla sa Kinatarcan alang sa usa ka proyekto .
Ang Butuanon River maoy ipakita sa dakbayan sa Mandaue sa paghost niini sa sunod tuig nga International River Summit .
Human sa pag-assess sa Butuanon giagi ug kanta ni Lopez sa awit nga “I believe I can fly” ang pagpakita nila ug commitment sa pagtinabangay sa pagbuhi sa maong sapa.
