GINA PRISO | Taga Bago City, Negros Occidental ginapriso sa stockroom sang amo sa JEDDAH

58

Report ni: Tita Jen Palomo Debaja

Naga panawagan sang bulig si Edrelyn Cauntoy sang Bago City, matapos ginpriso sang mga amo sa stockroom sang ila puluy-an sa Jeddah, Saudi Arabia halin pa sang Marso 12 sang gab-i. Sa sulod sang 3 kaadlaw puro lang noodles kg kape ang ginahatag sang iya amo nga babaye. Sa ika 4 ka adlaw ginhatagan man matuod sang kan-on apang wala niya ini nakaon kay pan-os na.

Sa FB post ni Car Togonon Sunga, padayon nga priso sa stockroom si Edrelyn kay naga kinahanglan sang rescue. Suno sa iya , likum nga gintago ni Edrelyn ang cellphone sini para maka pangayo sang bulig.

Sa karon, naga paabot gihapon sang rescue si Edrelyn. Ginpasalig sang amo nga gina process lang ang papeles sini kag makapauli na siya apang tungod sa naandan nga buluhaton sa middle east nga gina baligya ang iban nga OFW, nagakahangawa man si Edrelyn nga matabo ini sa iya.

Sa mga naka kilala kay Edralyn Cauntoy, palihog pahibalo sa iya pamilya agud maaksyunan kag sa mga kasimanwa sa Jeddah buligan naton nga mapalab-ot sa embahada ang iya sitwasyon.

Facebook Comments