Nagpatigayon sang hublag protesta ang ginabulubanta 200 ka militanteng grupo sa mismo atubang sang South Cotabato Provincial Capitol para ipalab-ot kay South Cotabato Governor Daisy Avance Fuentes ang pipila ka isyu sa Probinsya ilabi na ang natabo nga engkwentro sa tunga sang mga suldado kag grupo sang New Peoples Army ukon NPA sa boundary sang Barangay Ned, Lake Sebu sa diin siyam ang patay.
Suno kay Timothy Romero spokesperson sang Centre for Lumad Advocacy, Networking and Services, Incorporated ukon (CLAN) luyag nila nga imbestigaran sang Gobernadora ang ginaaligar pagpatay sa mga lumad sa nasambit nga engkwentro sa diin ginakabig suno pa nila mga ginmasaker.
Dugang pa nya, lakip man sa luyag nila nga imbestigaran ang ginaaligar pagpangharras sa mga eskwelahan sa mga mabukid nga area sang militar kag ang hugot nila nga pagpamalabag sa Copper and Gold mining sa banwa sang Tampakan kag ang Coal mining sa Banwa sang Lake Sebu.
Ang nasambit nga hublag protesta ang ipatigayon sa sulod sang tatlo ka adlaw
