Halos naaubos sa sunog ang balay sang isa ka negosyante matapos ginlamon sang kalayo pasado ala una subong nga hapon sa Agreeda Phase 1, Barangay Sto NiƱo, Syudad sang Koronadal.
Sa interview sang RMN Koronadal kay Mr. Allan Mendoza, may legal nga edad, negosyante, tag-iya sang balay nga nasunog, nakibot na lamang sya sang nahibaluan nga iya na balay ang nasunog bangud nangin masako suno pa ini sang iya negosyo, indi malayo sa nahamtangan sang iya balay.
Samtang wala pa sya sang ihibalo kun sa diin nag-umpisa ang sunog bangud wala sang tao ang ila sini balay.
Ginabulubanta naman nya sa P1.2milyon ang danyos sang sunog sa iya balay.
Gindeklara naman nga fire out ang nasambit nga sunog pasado alas dos kaina.
Facebook Comments
