President Roxas, Capiz – Ginkumpirmar sang municipal health officer sang banwa sang President Roxas nga si Dr. Pilar Posadas nga nagpositibo sa rabies ang ginkatay kag ginkaon nga ido sa Barangay Aranguel, President Roxas, Capiz.
Suno kay Posadas, ila na subong nga ginamonitor ang 24 ka mga persona kun sa diin nabakunahan na ang mga ini sang 2nd dose sang vaccine samtang ang katapusan nga dose sang bakuna ang igaturok naman sa maabot nga adlaw sang Biyernes.
Ginklaro sini nga wala pa sang may nakitaan sang mga sintomas nga affected sang rabies ang amu nga mga persona.
Sa mahibaloan, ginkatay sang mga ini ang amo nga ido nga nagkagat sa isa ka bata sa nasambitan nga barangay kun sa diin ang ulo ang ginpadala sa syudad sang Iloilo agud nga ipaidalom sa examination.
Ulihi na lamang nila nahibaloan ginluto sang nasambitan nga mga persona ang ginpatay nga ido.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
