Davao City- Midangop ug nagpatala sa presinto sa kapulisan sa San Pedro PNP ang usa ka ginang human nabiktima sa pagpangilad ug nakuhaan og cash nga mukantidad og 60-mil ka pesos natigayun niadtong milabayng adlaw ning dakbayan.
Sa report gikan sa San Pedro PNP, ang biktima naila sa pangalan usa ka Merna Carado, 48 anyos, residente sa Malvar St. Brgy. 7-A ning siyudad samtang ang suspetsado ginganlang Joy Fernandez, hingkod ang edad ug usa ka book keeper, walay kumpletong address.
Sumala pa sa biktima, iyang gipaprocess sa suspek ang iyang land title ug business permit sa BIR human gipasaligan kini sa suspetsado nga siya na ang bahala hinungdan nagkasabot ang duha ug nihatag ang biktima sa maong kantidad ug sa dihang nahuman na ang transaksyon, nadawat sa biktima ang copy sa land title ug business permit. Gisusi sa biktima sa buhatan sa BIR maong kopya ug nasuta nga peke ang maong dokumento.
Ang suspek wala nanagpakita ug dili na makontak hinungdan gipaabot sa biktima ang reklamo sa kapulisan ug desidido nga mo-file og kasong stafa batok sa suspetsado.
RadyoMan Don Pulayao
