Davao City – Mas gipakusgan karon ang kampanya sa illegal gambling sa Bunawan PNP apan aduna gihapoy mga nagasupak ug wala mahadlok hinungdan sa pagkasikop sa usa ka ginang human nagpataya ug last two didto sa Purok 17 Bunawan siyudad sa Davao.
Sumala sa blotter sa Bunawan PNP nga naila ang dinakpan nga usa ka Lorna Polo, 43 anyos, nagpuyo sa nasampit nga lugar.
Matud pa sa dihang gilusad ang operation, didto nadakpan sa kapolisan ang suspect nga nagpataya og last two apan nakamatikod ang duha ka mailhing manayaay ug abtik usab nga nakadagan palayo sa maong lugar samtang si Polo ang naaresto ug nakuhaan og illegal gambling paraphernalia.
Sa datos sa Bunawan PNP, aduna nay tulo ka mga tao ang tigpataya og last two ang nadakpan gikan sa ilang area of responsibility ug gikasohan kalapasan sa RA 9287 kun Anti Illegal Gambling.
RadyoMaN Don Pulayao
