Ginang gipatay sa Deca Homes Talomo aduna nay person of interest

Davao City – Mas gipalawman ang gihimong imbestigasyon sa Baliok Police Station sa mipatay sa usa ka home owner nailang Lilian Del Campo Nieva, 57 anyos, taga Deca Homes Talomo, Bago Gallera, Davao City niadtong September 28, 2023 sa dihang nakit-ang wa nay kinabuhi sulod sa iyang lawak nga dunay kapin 40 ka samad dinunggaban sa lawas.

Sa interview sa DXDC RMN Davao kang Romeo Mapanao Jr., Hepe sa Baliok Police Station gibutyag niini, aduna nay person of interest, ang gitutokan og gi-imbestigahan sa kapulisan.

Segun ni Mapanao, dako ang posebilidad nga kaila sa biktima ang naghimo sa krimen nga gi-imbestigahan sa mga awtoridad.

“Ginasubay pa nato mao ni ang challenge nato kay walay kauban perme sa balay si madam ana nga butang to be honest we are facing a black wall apan naa nay person of interest”,sulti Mapanao.

Dugang ni Mapanao, naglisud ang mga pulis tungod walay CCTV Camera nga gimuntar sa balay sa biktima, apan ginasubay pa ang silingan sa biktima.

Gipasabot sa opisyal, sa pagkakaron adunay mga sakop sa kapulisan nga mag-roving sa maong subdivision alang sa seguridad sa mga home owners sa nasampit nga lugar.

RadyoMaN Don Pulayao