Ginang gisudlan sab ug Espiritu

26

General Santos City—Usa ka ginang ang gisudlan sab ug espiritu sa may Yu Village, Barangay Apopong Gensan niadtong nakalabayng adlaw.

Ang maong ginang itago lang ug alias Ellen, hingkod ang pang-edaron ug residenti sa nasangpit nga lugar. Sumala ni Alias Meme igsuon sa nasangpit nga unang gisudlan ang ilang silingan nga si Alias Miray, grade 6 pupil sa New Society Elementary School sa barangay Apopong Gensan.

Apan dihang naulian si Miray mibalhin matud pa ang espiritu sa lawas sa ginang diin sama sa mga bata nga gipangsudlan sa maong tunghaan singgit matud pa sa tingog nga naggawas sa baba sa ginang mao ang kasuko gumikan sa pagkaguba matud pa sa ilang balay.

Dugang pagbutyag ni Memie nga basi sa ilang nadunggan sa baba sa iyang igsuon nga buot sa espiritu nga hatagan silag pagtagad. Nangawala matud pa ang ilang anak human nga naguba ang ilang balay dihang gipamutol ang kahoy sulod sa compound sa tunghaan.

Buot matud pa sa mga nahisgutan nga sila hatagan ug usa ka lawak isip ilang temporaryong kapuy-an aron sila mahiluna ug aron usab dili na nila tugawon ang mga bata sa maong tunghaan.

Facebook Comments