General Santos City—Samdan ang usa ka ginang nga si Josephine Cabrira, 52 anyos, residenti sa Purok Luwalhati, Barangay Silway 8, Polomolok, South Cotabato human kining na-side Swiped sa motorsiklong gimanihuan ni Jeralph Aquino, 20 anyos, residenti sa Purok Maligaya, Barangay Silway 8, Polomolok, alas 4:30 sa hapon niadtong nakalabayng adlaw.
Nakaangkon ug samad sa nagkandaiyang parti sa kalawasan ang biktimang si Cabrira, samtang angol usab ang driver sa motorsiklong Skygo Wizard 125 nga may plate no. XR-3812.
Nasayran nga gikan sa iyang panimalay ang driver sa Motorsiklo, pag abot sa National highway, iyang nabanggaan ang biktima hinungdan nga mibalintong ang iyang motorsiklo.
Paspas silang gipangdala sa ospital ug kasamtangan na karon nga giatiman sa mga doctor. Sa karon padayon ang gihimong imbistigasyon kalabutan sa insidenti.
