Usa ka ginang ang nadakpan sa entrapment operation sa mga sakop sa Anti-Cybercrime Group 7 sa Barangay Gun-ob sa dakbayan sa Lapu-lapu .
Ang 44 anyos nga suspek nga si Marissa Aumentado nadakpan human usa ka American national ang nireklano nga giblackmail kini nga ipakita sa internet ang hubo nga hulagway niini kung di mohatag sa gidemanda nga kuwarta .
Si Aumentado ang inahan sa usa ka mahuyang nga ginganlan ug Rodmark, 24 anyos nga maoy naila-ila sa langyaw sa usa ka dating website , apan nagpaila kini nga babaye nga ginganlan ug Katrina Aumentado .
Ang nagpailang Katrina mopakita ug laing hulagway sa usa ka seksing babaye ngadto sa biktima nga nibawos usab sa pagpada ug hubo nga hulagway .
Kini maoy gigamit sa suspek sa paghulga sa biktima nga langyaw nga ibutang niya sa internet kung di mahatag ang gidemanda nga kwarta apan nadakpan kini sa entrapment operation sa kapolisan .
