Davao City – Gitakdang ipailawom sa otopsiya ang patay’ng lawas sa usa ka ginang aron matumbok ang hinungdan sa kamatayon niini.
Nasayran, nakaplagan na lamang nga wa’y kinabuhi ang ginang nga si Juanita Macapiot, 41-anyos, way trabaho, ug nagpuyo sa DDF Village, Mandug, Buhangin ning siyudad.
Mi-una matud pa og uli ang biktima aron magdiskanso banda alas-4:00 sa hapon.
Apan bandang alas-7:00 sa kagabhion nadiskubrehan na lang ni Rey Legaspi, sekyu, ug nagpuyo sa maong dapit nga nagbuy-od sa salug ang biktima sulod sa panimay.
Maong daling nangayo og assistance sa Medic Team sa Central 911 si Legaspi apan di malas tungod gideklarang patay na si Macapiot.
Sa imbestigasyon sa Buhangin PNP, sa wala pa nakaplagang patay si Macapiot, nagsuka sa makaduha ka higayon ug naghambin usab kini og hypertension.
Busa teyorya sa kapulisan nga natural death ang gikamatay ni Macapiot sanglit walay nakitang foul play ang mga otoridad sa lawas sa biktima kinsa anaa na karon sa punerarya sa dalang Torres ning dakbayan.
RadyoMaN Joel Viray
