Dumalinao, Zamboanga del Sur -Bun-og ug pangus sa lawas ang nahi-aguman sa 45 anyos nga babaye human kini naligsan sa naghaguros sakyanan alas 5:00 kagahapon sa hapon didtong dapita sa Purok Malinawon, Barangay Pag-asa, Dumalinao, Zamboanga del Sur.
Gapa-alim karun sa balay tambalanan ang biktima nga si Josephine Dag-uman residente sa Purok Malinawon, Barangay Paglaum, sa nasangpit nga lungsod
Sa imbestigasyon sa PNP Dumalinao nasayran nga samtang nagbaklay ang maong ginang aksidente kini nga nadasmagan sa Utility vehicle ford, color pula nga nagtangag sa plaka numero KEF 869, gimaneho ni Edgardo Pabilan 46 anyos lumulupyo sa Poblacion Lapuyan, Zamboanga del Sur.
Nasuta usab nga impluwensyado sa ilimnon nga makahubog ang naasoy nga driver nga karun gipaslak sa Dumalinao Municipal Police Station lock up cell.
