CAUAYAN CITY — ISANG GINANG NA INABUTAN NG PANGANGANAK SA GITNA NG DAAN HABANG NANANALASA ANG BAGYONG CRISING SA SANTA TERESITA, CAGAYAN, GABI NG HULYO 18, 2025.
KINILALA ANG GINANG NA SI JOAN CEPEDA, 31-ANYOS, MULA SA AGTA COMMUNITY, BARANGAY ARIWODEN.
AYON KAY PMAJ. GARRY H. MACADANGDANG, OIC NG PNP SANTA TERESITA, NAKATANGGAP SILA NG TAWAG MULA SA KAPITAN NG BARANGAY KAUGNAY SA INSIDENTE HABANG SILA AY NAGSASAGAWA NG PAGPAPATROLYA.
AGAD NA NAGTUNGO ANG GRUPO NI PMAJ. MACADANGDANG SA LUGAR AT SINUNDO ANG GINANG NA NOON AY NANGANGANAK NA.
ISINAKAY ANG GINANG SA MOBILE PATROL AT LIGTAS NA NAIHATID SA MUNICIPAL HEALTH CENTER PARA SA KAUKULANG MEDIKAL NA ATENSYON.
SA KASALUKUYAN, PAREHONG NASA MAAYOS NA KALAGAYAN ANG INA AT ANG KANYANG BAGONG SILANG NA SANGGOL.
