Dipolog City – Dead on arrival sa City Hospital ang usa ka ginang human naligsan og single motor samtang nitabok sa may national highway Barangay Galas ning dakbayan sa Dipolog, nahitabo mga alas 2:35 sa kahaponon.
Ang biktima namatay naila nga si Mary Jean Ortega Gomolon, 48 anyos, lumad nga Lumulupyo sa Barangay Palaranan lungsod sa Manukan, Zamboanga del Norte.
Sa report sa Traffic Section sa Dipolog PNP, nasayran nga gikan nikobra og pantawid cash assistance ang biktima og nahapit sa public market sa Barangay Galas diin atoa namaligya ang anak og namalit palit sab kini sa ilang kunsumo.
Dihang paigon na unta mangatang og sakyanan ang maong ginang, tabok sa highway kuyog ang apo niining 3 anyos nga babaye, aksidente kining naligsan sa naghaguros nga single motor Honda Beat, kolor pink nga gimanehoan ni Mharc Louie Cahusay, 19 anyos nga taga Barangay Sicayab, angkas si Jerome Camaño, 17 anyos nga taga Barangay Galas.
Gikaigong pa nga natuklod sa biktima ang apo hinongdan siya ang nagrabihan, og dihang gidala sa Corazon C. Aquino Hospital gideklarar nga dead on arrival sa niatiman nga doctor gumikan sa Internal Hemorrhage.
Nasuta sa kapolisan nga nakainum ang driver og sakay sa single motor, diin matud pa dunay gilihayang truck og nikawat sa pikas lane hinongdan naligsan ang nanabok nga pedestrian.
