Davao City – Nadakpan sa Bunawan PNP ang usa ka ginang nga tigpataya og last two alas 7:40 sa kagabhion human gilusad sa kapulisan ang Anti Illegal Gambling Operation sa Bunawan PNP sa Kabayan Village Tibungco siyudad sa Davao.
Subay sa blotter sa kapolisan sa Bunawan ang dinakpan naila sa pangalan nga usa ka Charish Ortazon hingkod ang edad, residente sa Bucana Barangay Lasang Bunawan Davao City.
Matud pa sa dihang gikasa ang operasyon naaktuhan sa mga police ang suspek nga nag solicit og illegal gambling hinungdan gi aresto kini sa kapulisan.
Narekober gikan sa iyang posisyon ang usa ka improvise tally sheet, usa ka black ball pen ug lakip nakompiska ang P150.00 nga kwarta nga gigamit nga pang patad.
Ang dinakpan nga gikustodiya na sa kapolisan sa Bunawan ug gihikay na ang kasong kalapasan sa RA 9287 kon Anti Illegal Gambling.
RadyoMaN Don Pulayao
