Davao City – Pursigido nga mupasaka og kasong pagpangilad ang usa ka ginang batok sa usa ka fixer nailang “Chelot” hingkod ang edad ug way kompletong address human natangag ang iyang salapi nga mukantidad og 14,353.00 pesos niadtong petsa 19 sa adlawng Huwebes bulan sa Hulyo tuig kasamtangan.
Sa report gikan sa San Pedro PNP ang biktima naila sa pangalan Analene Hermosilla, 32 anyos nagpuyo sa Barangay 19-B Bajada siyudad.
Kahinumdoman si Hermosilla nakigtransak sa iyang non-professional driver’s license ngadto sa suspek kauban ang iyang igsuon nga si Patrick Paul Lantayona tungod sa iyang pagsalig mihatag sa maong kantidad nga salapi ang biktima ug matod pa gisaaran sa suspek nga niadto pang unang semana sa bulan sa hulyo makuha ang maong lisensiya apan hangtod karon pakyas ang suspek sa pagkuha.
Dako ang pagduda ni Hermosilla nga nailad siya sa suspek hinungdan nga nagpakitabang kini sa kapulisan aron iyang ipadakop ang suspek apan sa pag-adto sa kapolisan sa buhatan sa Land Transportaion Office pinaagi ni Police Officer 2 Tamayo abtik nga nakasibat ang suspect sa wala matino nga lugar.
RadyoMaN Don Pulayao
