Ginang nga nakadawat og peke nga kwarta nagpalaban sa DXPR

128

Pagadian City – Nagpalaban sa estasyon sa RMN DXPR Pagadian ang usa ka ginang dihang nakadawat kini og peke nga kwarta sa ilado nga pawnshop.
Alas 5:00 pa lamang sa buntag nidangat nga sa sibyahanan si Modesta Nano aron ireklamo ang kadumalhan sa Palawan pawnshop nga nakabase sa lungsod sa Guipos, Zamboanga del Sur.
Sumala sa pamahayag sa biktima gipadal-an matup pa siya og kwarta sa iyang anak nga mobalor sa dos mil ka pesos og iya kining gikuha sa maong pawnshop.
Gahinam-hinam ang ginang pag-adto sa tindahan aron mopalit og gamit sa pagpanguma apan gibaliran kini sa tindira kay peke ang usa ka libo nga iyang gihuptan nga bag-o lang nakuha gikan sa nahisgutang pawnshop.
Gipakigkutayan pa sa RMN Newsteam ang tigdumala sa pawnshop nga gireklamo.

Facebook Comments