Si Regional Trial Court Branch 1 Presiding Judge Kristine Jane Pague, nagpagula og warrant of arrest niadtong Nobyembre 4, 2022 batok kang Jetutua gumikan sa gipasang-at nga kasong Grave Oral Defamatory batok sa maong ginang.
Ang mga warrant officers sa Sta. Ana Police Station sa pagpanguna ni Police Corporal Mark Anthony Baño maoy nagsilbi sa orden de aresto batok sa akusado sa panimalay mismo niini sa naasoy nga lugar alas-3:30 sa hapon.
Ang korte naghatag og kahigayonan sa akusado nga makabayad og 18 mil ka pesos sa bail bond alang sa temporaryo nga kagawasan ni Jetutua.
Basi sa balaud, ang Grave Oral Defamatory mao ang pagpangdaot og dungog batok sa usa ka tawo ug ang bisan kinsa nga makonbikto sa maong kaso may silot nga upat ka bulan ug usa ka adlaw nga minimum ug usa ka tuig ug walo ka buwan nga maximum nga pagka-priso.
RadyoMaN Joel Viray
