General Santos City—patay ang usa ka ginang human kining giluba sa usa ka 69 anyos nga kainum niini didto mismo sa ilang panimalay sa may Block 9, Zone 2, Barangay Fatima Gensan.
Ang biktimang namatay nailhang si Jovelyn Cansancio, 31 anyos, residenti sa samang lugar, samtang angol usab ang kapuyo niini nga si Arjay Matanggol human silang gipangdunggab sa suspek nga si Dominador PleƱos, 69 anyos residenti gihapon sa Barangay Fatima.
Sa inisyal nga imbistigasyon sa Fatima Police Station nasuta nga nag-inum ang biktima ug ang suspetsado sa usa ka imnanan sa Prk. Islam, Barangay South.
Nag away ang duruha didto sa imnanan nga miresulta sa pagpamunal sa biktima gamit ngadto sa suspek nga miresulta sa pagkasamad niini sa agtang.
Miunag uli ang biktima ug misunod ang suspek didto na niini gisulong ang panimalay sa biktima ug gidunggab igo sa iyang dughan. Mirescue dayon ang kapuyo niining si Matanggol apan siya gidunggab gihapon sa suspek igo sa iyang kilid nga bahin.
Gidala pa sa balay tambalanan ang duha ka mga biktima apan ang biktimang ginang patay na kining nahidangat sa ospital .
Malampuson usab nga nadakpan ang suspek nga si Dominador atol sa gihimong hot pursuit operation sa Fatima Police Station.
Aligasyon sa suspek nga dili niya madawat nga siya gibunalan sa biktima hinungdan nga iya kining gibaslan pinaagi sa pagdunggab. Gibutyag pa sa nahisgutan nga aduna silay relasyon sa maong biktima.
Sa kasamtangan ginaandam na sa kapulisan ang pagpasang-at ug kaso batok sa suspetsado.
