General Santos City–Nagtingkagol karon sa selda sa Police Station 6 ang usa ka ginang nga Giilang si Joanna Soto legal age, nanimuyo sa Fisherman’s Village, Barangay Bula ning syudad sa Heneral Santos human nga gipahigayonan kini ug operasyon sa kapulisan pinasikad sa search warrant.
Sumala pa ni PCI Bryan Oniel Salvacion ang Hepe sa Police Station 6, nga nakuha sa panimalay sa suspect ang 2 ka mga sachet sa gituohang shabu ingon man Drug Paraphernalia samtang nag negatibo usab ang usa ka target sa kapulisan human nga wala kini nakuhaan ug iligal nga droga.
Dugang pa ni PCI Salvacion nga ayha nila gipahigayonan ug operasyon ang mga target aduna silay gihimong test buy sa mga nasangpit aron usab nga masiguro nga adunay kalambigitan sa droga ang mga nasangpit hinungdan nga walay rason nga manghimakak pa ang mga nasangpit.
Kasong kalapasan sa RA 9165 ang atubangon sa nasangpit nga suspect nga anaa karon sa kustodiya sa kapulisan.(Dave Silagan)
