ILOILO City – Padayon nga ginapangita ni Leopoldo “Leo” Ferrer ang iya utod diri sa Iloilo nga si Evelyn Ferrer.
Sa bulig sang Iloilo City government kag RMN Iloilo, as of press time, padayon pa ang paglibot sa syudad agud makita ang iya pamilya.
Indi na matandaan ni Leo kon pila ang iya edad sang nagpadulong siya sa Metro Manila.
Suno kay ‘tay Leo, matandaan lang niya nga si Rodolfo “Ruding” Ganzon pa ang Mayor sa Iloilo sang naglakat siya. Matandaan niya si Ganzon kag ang Airport nga nahamtang pa sadto sa Mandurriao.
Nahibaluan nga naka-abot na sa Iloilo si Leo kaina sang aga sa bulig ni Mr. Jeck Conlu, head sang Public Safety and Transportation Management Office (PSTMO) sa syudad.
Una nga nagviral sa Facebook si ‘tay Leo paagi sa post ni Tintin Borromeo, Ilongga nga amo ang una nga nakasapupo sa iya sa Metro Manila.
