Ginapatigayon nga misting operations sa mga outbreak areas sang dengue sa South Cotabato magapadayon bisan Sabado kag Dominggo.

18

Gin-advice niya suno kay Provincial Disaster Risk Reduction and Management Warning and Operations Chief Rolly Aquino nga ipadayon ang pagpatigayon sang misting operation bisan sa adlaw sang Sabado kag Dominggo bilang kabahin sang aktibidad sa pagtapna sang balatian nga dengue sa probinsya.
Ginkumpirmar niya man nga nag-abot na ang pito ka units sang misting machines nga ginkuha ang pondo sa masobra sa P15.5 million nga quick response fund matapos nga yara sa idalom sang state of calamity ang probinsya.
Samtang ang ginahulat na lang sa subong suno kay Aquino ang 3000 dengue NS1 testing kits.
Sa subong nagapabilin suno pa nga nakaactivate ang Incident Command System ukon ICS sang PDRRMC agud nga mamonitor ang tanan ang aktibidad kag matutukan ang pagpanubo sang kaso sang balatian nga dengue sa probinsya.
Padayon man ang iya pagpang-awhag sa mga pumuluyo nga magpatuman gid sang search and destroy sa breeding place sang lamok nga nagadala sang balatian nga dengue.

Facebook Comments

From Advertisers