GINAREKLAMO | Capiz Governor Antonio del Rosario, ginpasakaan sang panumbungon sa Office of the Ombudsman Visayas

762

CAPIZ – Nagapangatubang sang panumbungon kriminal sa Office of the Ombudsman si Capiz Governor Antonio Del Rosario may kaangtanan sa gina-alegar nga paghire sang provincial government sa serbisyo sang Perlite Security Agency nga ginapanag-iyahan sang utod sang gobernador nga si Mrs. Carmen Andrade.
Ang nasambit nga panumbungon ang ginpasaka ni Mr. Essex Quintia, residente sang Barangay Poblacion Ilaya, Dao, Capiz kag provincial chairman sang Partido Demokratiko Pilipino (PDP) – Laban sa idalum sang grupo ni Atty. Rogelio Garcia.
Sa apat ka pahina nga complaint nga ginpasaka ni Quintia sa Office of the Ombudsman for the Visayas nga napetsahan sadtong Disyembre 17, 2018, ginpahayag sini nga naglapas si Gov. Antonio del Rosario sa Republic Act No. 3019 ukon Anti-Graft and Corrupt Practices Act may kaangtanan sa Republic Act No. 9184 ukon Government Procurement Reform Act.
Suno pa kay Quintia nga may salabton ang gobernador sa ginsudlan nga kontrata sa amo nga security agency bangud wala mag-agi sa bidding kag wala sang nagakaigo nga otorisasyon ukon pahanugot nagikan sa Sangguniang Panlalawigan.
Ginpangabay man sang tagreklamo ang Office of the Ombudsman nga suspendiron si del Rosario samtang ginapaidalum ini sa imbestigasyon. Nahibaluan nga ang tag-iya sang Perlite Security Agency ang nagatrabaho man bilang sports and business affairs consultant sang provincial government.
Sa madumduman nga antes nagpungko bilang gobernador si del Rosario, ang Elegance Security Agency nga ginapanag-iyahan ni Vice Governor Esteban Nonoy Contreras ang nagahatag sang serbisyo sa provincial government, apang ginbuslan ini sang Perlite Security Agency ni Mrs. Carmen Andrade.
Nahibaluan man nga si Vice Governor Esteban Nonoy Contreras ang ginasuportahan nga kandidato ni Quintia sa pagka-gobernador sa nagahilapit nga eleksyon kontra kay del Rosario.

Sent from Yahoo Mail on Android overview.mail.yahoo.com/mobile/?.src=Android>


Facebook Comments

From Advertisers