Ginasiling asset sang army patay sang gintiro, ginasakyan nga kabayo patay man

DON SALVADOR BENEDICTO – Patay ang isa ka ginasiling asset sang militar samtang pauli na ini kon tani sa ila nga balay kag nagasakay sa iya kabayo.

Gintiro sang makapila ka beses ang biktima nga ginkilala kay Florencio CaƱete, 59 anyos sang Purok Kinabong, Brgy. Igamayaan.

Patay on the spot ang biktima matapos nga nag-angkon sang madamo nga igo sang bala sa lawas sang wala ma bal-an nga kalibre sang armas.


Patay man ang kabayo nga gina sakyan sini bangod sa hitabo.

Natabo ang krimen mga las 4 sang hapon, Marso 20, sa Kinabong Uno.

Padayon pa ang imbestigasyon sang kapulisan kun ano ang motibo kag kun sin-o ang responsable sa amo nga krimen.

Facebook Comments