Tapaz, Capiz- Ginalauman nga matapos sa Enero ukon Pebrero 2020 ang konstruksyon sang apat ka panalgan nga Tapaz Municipal Government Center sa banwa sang Tapaz.
Ginpahayag sang alkalde nga si Roberto Palomar sang Tapaz nga masobra na sa 50 porsyento ang naobra sa kabilogan sang proyekto nga ginakabig pinakadako kag moderno nga “government building” sa probinsya.
Gindugang pa sang alkalde sa iya State of the Municipality Address nga ang nasambit nga edipisyo nga may P103 ka milyon nga pundo ang pagabutangan sang duha ka yunit nga elevator.
Ang nasambit nga proyekto ang kabahin sang mga pang imprastruktura nga mga inisyatibo sang banwa kapareho sang pagkaayo sang pampubliko nga merkado, pagtukod sang public transport terminal, pagkarsada sang mga malayo nga kabaranggayan kag madamo nga iban pa.
Ang bag-o nga municipal hall sang Tapaz ang ginpatindog sa lugar nga una nahamtangan sang kapin daan nga munisipyo nga gin-demolish sang Agosto 2018.
(c)- PIA Capiz
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
