Roxas City, Capiz – Isa ka katapo sang Police Auxiliary ang ginbakbakan sang batuta sang tricycle driver nga iya gindakop.
Suno kay Traffic Auxiliary Guillermo Bartolo Sr. sang Bliss Cagay, samtang ginamaneho sini ang tricycle ni Ronel Villas nga ila nadakpan agud kuntani dal-on sa impounding area sang TMU, siya ang ginparahan sang suspek.
Naghinyo ini nga patawaron na lamang kag istoryahan ang amo nga bagay. Posible nga nagluntad ang indi paghangpanay sa tunga sang mga ini, rason nga ginkaakig sang suspek. Gin-agaw ni Villas ang batuta ni Bartolo kag gilayon nga ginbakbakan ang police auxiliary.
Matapos nga makapalagyo, boluntaryo naman nga ginsumiter sang suspek ang iya kaugalingon sa talatapan sang CIDG kag ini ang ginturn-over ni SPO2 Gerome Hambaro sa kapulisan sa Roxas City PNP.
Una diri, gindakop si Ronel Villas sa may bahin sang Capiz National High School sa kabangdanan nga ini ang nagabiyahe sang colorum nga tricycle kag wala sang mapakita nga nagakaigo nga lisensya.
