Roxas City, Capiz- Aprobado na ang resolusyon nga nagamando para sa pagbalik sang RCTODA Certificate bilang requirement sa pagrenew sang prangkisa sang traysikol nga nagabiyahe sa syudad sang Roxas.
Ini makaligad nga ginduso sang Chairman on Public Utilities nga si City Councilor Julius Abela ang nasambitan nga resolusyon.
Kalakip sa mga nagboto para sa pag-aprobar amo sanday City Councilors Trina Almalbis Ignacio, Dr. Cesar Yap, Jeniffer Anisco-Poliran, Cora Balgos-Tiangco, ex-officio City Councilor Kriza Fernando, City Councilor Julius Abela samtang solo naman nga si City Councilor Atty. Garry Potato ang nagpamatok bangud suno sa iya nagapati ini nga nagakinahanglan pa sang dugang nga public hearing antes aprobahan ang amu nga resolusyon.
Sa matandaan antes liwat naaprobahan, nagtuga anay sang mainit nga diskusyon sa tunga sang mga membro sang City Council ang nasambitan nga bagay.
