Dear Bes Katkat and Bes Jopy,
Hi sa tanan nga mga tagpalamati sang inyo programa. Tawga lang ako sa kay Vanessa sang Negros Occidental. May boyfriend ako kag dugay na kami, two years to be exact. Sa sulod sang duha ka tuig Bes, isa ka adlaw nagbag-o ang tanan. Gintubu-an ako sang punggod. Daw ka okay man lang sa akon kay normal man lang na sa isa ka babaye.
Day by day gaka-stress na ako tungod sa pimples ko. Pati na ang boyfriend ko, gakabaya-an ko na kag ma-feel ko nga may ginatago siya nga indi niya lang mahambal sa akon. Mabatyagan ko pa gid Bes nga indi na siya proud sa akon kag bisan ako nahuya man gani. Nag-abot sa punto nga nag-break kami kay wala na kuno kami sang ginatawag nga ‘spark’. Daw masyado namana ka shallow sang rason para sa kon. To think nga ginpalangga niya lang ako gali sang una bangud nga baby face ako kag mahamis.
Sa mga nagapamati sa programa niyo Bes Jopy kag Bes Katkat, ano ang mahambal niyo ayhan sa akon problema kag sa mga girlfriend dira parehos sa sitwasyon ko.
i Confessions – May 31, 2018 | Monday to Saturday, 9am-11am
