BACOLOD CITY – Hugot gid nga ginbatyag sang isa ka soltero ang pagbreak ukon pagbulag sa iya sang iya nga nobya gani ini siya ang nagtuyo nga maghikog pinaagi sa pagsunog sang iya kaugalingon sa ila balay kahapon sa Punta Magsungay, Brgy. Singcang Airport diri sa Bacolod.
Ang biktima nga ginahinago lang ang pangalan, isa 35 anyos kag pumuluyo sang amo nga lugar.
Base sa imbestigasyon sang pulis, nagkadto ini sa balay sang iya nobya sa Brgy. Mandalagan diri man sa ciudad apang sa iya pag-abot, ini siya ang gilayon nga ginsugata sang “bad” news nga luyag na magbreak sa iya ang iya nga nobya.
Nagpauli ang biktima nga may mabug-at nga ginabatyag gani sa iya pag-abot sa balay sini, nagkuha siya sang gasolina, ginbubo sa iya lawas kag ginsindihan.
Ini ang rason sa pag angkon sang lalaki sang third degree burns kag padayon karon karon nga ginabulong sa Corazon Locsin Montelibano Memorial Regional Hospital.
