GINBUKSAN NA | 1.5 Million pesos nga balor sang C.R. sa Central Market, ginbuksan na sa Publiko.

Ginbuksan na sa publiko ang pinakabag-o nga comfort room (CR) sa sulod sang Iloilo Central Market.
Ginpahayag ni Mr. Ariel CastaƱeda, head sang Local Economic Enterprise Office (LEEO) nga ang bag-o nga comfort room sa nasambit nga merkado ang nagabalor sang 1.5 million pesos kag ginpondohan sang city goverment.
Suno kay CastaƱeda nga sa bag-o nga CR sa Central Market, mangin convenient kag komportable na ang mga vendors kag mga bumalakal sa paggamit sang CR.
Angut sini, ginahingyo sang LEEO head sa publiko nga halungan kag gamiton sang husto sang pasilidad.

Suno sa iya nga libre ang paggamit sang nasambit nga CR apang mas maayo kon makahatag sang donasyon ang mga maggamit para sa maintenance sini.
Suno pa kay CastaƱeda, masunod nga iga-renovate ang mga CR sa iloilo Terminal Market , Lapaz Market kag Jaro Public Market.
Plano man nila nga tinluan ang meat kag fish sections sang Central Market kon sa diin pagabutangan ang mga vendors sang display kag storage facilities agud masiguro nga matinlo kag preska ang ginabaligya nga mga produkto.

Facebook Comments