LA CASTELLANA, NEGROS OCCIDENTAL – Gindeklara nga dead-on-arrival ang isa ka biktima sang pagpangbuno kagab-i sa Brgy. Mansalanao, banwa sang La Castellana.
Nakilala ang biktima nga si Vemar Bernabe, 25 anyos ang edad, soltero kag pumuluyo sang Brgy. Cabagnaan, La Castellana.
Suno sa imbestigasyon sang La Castellana Police Station, base sa pahayag sang amay sang biktima nga si Vicente nga may mga las 11 kagab-i, ginbuno sang wala nakilala nga suspek ang iya nga bata.
Naigo sa nawala nga bahin sang iya dughan ang biktima.
Gindala pa sa ospital si Vemar apang ini ang gindeklarar nga DOA sang attending physician.
Matapos ang insidente, dali-dali naman nga nagpalagyo ang suspek.
Sa karon padayon ang follow-up investigation nga ginapatigayon sang La Castellana Police Station./Not the actual photo
