Bingawan, Iloilo- Pilason ang tatlo ka mangunguma matapos ginbuno sang ila man kaupod sa ilimnan sa Barangay Inamyungan , Bingawan, Iloilo.
Ginkilala ang mga biktima nga sanday Jerry Plaza, 43 anyos, residente sang Brgy. Poblacion kag may pilas sa tyan ; Juanito Pedroso, 37 anyos sang Brgy. Malitbog, may pilas sa ulo kag Harry Gener, 66 anyos sang Brgy. Poblacion nga may pilas sa liog.
Samtang ang suspek ang ginkilala kay Ausepio Poblacion, 58 anyos sang Brgy. Inamyungan, Bingawan.
Suno kay PSInsp. Alfonso Manoba sang Bingawan Municipal Police Station, tig-alani sa lugar gani nag inum-inom ang mga biktima upod ang suspek kaina sang hapon .
Bangud sa kahulugbon, nagluntad ang indi pag-intyindihanay kag ginbuno ni Poblacion ang iya mga kaupdanan gamit ang ice pick.
Gindala sa hospital ang mga biktima samtang yara na sa kustodiya sang Bingawan PNP ang suspek.
Ginpahayag ni Manoba nga daw indi naman interisado ang mga biktima nga magpasaka snag kaso bangud lunsay man magparyentihanay ang mga ini.
(photo from web/ not the actual photo)
