GINBUNO SI INDAY | Nagtambag sa away mag-asawa, dalagita nga abyan ni misis ginbuno sang bana

1655

PULUPANDAN, NEGROS OCCIDENTAL – Nag-angkon sang mga pilas ang isa ka dalaga matapos nga ini siya ang ginbuno sang bana sang iya amiga kagab-i sa banwa sang Pulupandan.

Nakilala ang biktima nga si Anamae Bartulin, 27 anyos ang edad, single kag pumuluyo sang Brgy. 6, San Carlos City.

Ang suspek naman ginkilala kay Ian Von Alcasin kag residente sang Crossing Pulupandan.

Suno sa pagpangusisa sang Pulupandan Municipal Police Station, mga las 8 kagab-i sa Taytay Mabini, Crossing Pulupandan nag-away ang suspek kag ang iya asawa nga abyan sang biktima gani posible nga ini ang nagtambag.

Apang, sa wala mahibaluan nga rason, ginbuno ni Ian Von ang biktima kag ini ang naigo sa duha niya ka kamot kag tuo nga bahin sang iya tiyan.

Sa karon ang biktima ang padayon pa nga ginabulong sa Corazon Locsin Montelibano Memorial Regional Hospital./dyHB BACOLOD

Facebook Comments