GINDALASA | Delivery truck, gin-arado ang pamalay sa Brgy Mianay Sigma, pila ka persona pilason!

487

Sigma, Capiz – Pilason ang tatlo ka persona lakip na ang driver sang truck matapos nga ginbunggoan sini ang balay kag baligyaan sang mga prutas sa Brgy. Mianay banwa sang Sigma pasado alas 12 sang udto. Ginkilala ang driver sang delivery truck kay Jorell Solitario y Arnuco, 23-anyos ang pang-edaron nga residente sang San Carlos City, Negros Occidental nga nag-angkon sang pilas sa lawas kag ulo kag ulihi na nga nakuha sa ginamaneho sini nga salakyan bangud sa pagka-ipit. Nag-angkon man sang pilas sanday Shiela Mae Villasoto y Villarico kag isa ka tuig nga bata nga babaye. Bangud sa kabaskugon sang impact nadalasa man ang talipapa nga baligyaan sang prutas ni Marilyn Iseco. Sa bulig sang nagresponder nga katapo sang Aksyon Tabang (PDRRMO), Capiz Emergency Response Team (CERT), Arriba Ivisan Response Unit (AIRU) kag Sigma PNP, natigayon nga makuha ang lawas sang driver nga si Solitario kag nadala sa ospital. Ginapatihan nga wala sini makontrol ang manibela sang salakyan kabangdanan sang aksidente.
photo © Aksyon Tabang PDRRMO Capiz

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers