GINGAN-IT ANG BUHOK | Nagabusong nagpablotter man, ginsumbag ang tyan, gingan-it pa ang buhok

2022

BACOLOD CITY – (2nd Update) Nagpablotter man ang ginreklamo sang pagpanakit nga amu si Rowela Mancia, 34 anyos sang Purok BM, Barangay Taculing kontra sa una ginreport nga ginkastigo nga si Karen Tribo upod ang mga himata sini nga sanday Allan, Roque kag Jomel.

Suno kay Rowela, samtang ini siya ang nagatindog sa kilid sang footwalk, gintiklod ini siya ni Roque tubtob nga nag-initay. Ginkastigo ini nanday Roque kag Allan tubtob nga ining si Karen ang nagbulig man paagi sa pag-gan-it sa iya buhok.

Gintiklod pa ini siya ni Allan rasun nga nagsakit ang iya nga tyan sa diin nagabusong pa ini sang tatlo ka bulan kag tunga.

Nagpablotter man ang upod ni Rowela nga si Randy Lacaran sa diin nakabati pa ini sang istorya gikan kay Allan nga, ‘Makit-anay man ta gihapon, may adlaw ka gid, pirmi ka man sa downtown, pamilin bilin ka na nga daan’.

Una nga nagpablotter si Karen Tribo sa sina man nga adlaw, Mayo 1, sa diin iya gin-aligar nga ginpulihan sya kastigo sang apat ka mga tawo, ang isa ka lamharon nga iloy samtang ginabit-bit pa niya sini ang iya lapsag sa Brgy. Taculing, Bacolod City.

Si Karen Tribo, 22 anyos ang edad, single kag pumuluyo sang Nueva St., Galo Smith, Brgy. 11 ciudad sang Bacolod.

Ginpa-blotter ni Tribo sanday Randy Baradero, Rowela Mancia, Joy Badoja kag Rowena Baradero, lunsay legal ang edad kag pumuluyo sang Purok BM, Brgy. Taculing.

Suno sa biktima nga may mga las 8:20 sang gab-i sa Prk. BM samtang nga ini siya ang nagapanglakaton sa footwalk bitbit ang iya apat ka bulan nga lapsag, ini siya ang ginbanggaan sang amo nga apat.

Wala sang kon ano man nga ini siya ang ginkastigo sang mga ini gani nag-angkon sya sang madamo nga bagras sa nagkalain lain nga bahin sang iya lawas.

Daan nga kainit sa isa kag isa ang rasun kon ngaa nga natabo ang gan-itanay. /dyHB BACOLOD

Facebook Comments