Davao City – Dili na masabtan ang mga panghitabo karon sama sa gidangatan sa usa ka dos anyos nga batang babaye nga giingong gilugos ug gipatay sa syudad sa Tagum.
Sumala ni Marilyn Aguno, assistant head City Social Services And Development Office (CSSDO), kinahanglang pakusgan ang mga intervention ug pagbantay sa atong kabataan karong panahona.
Nagtoo si Aguno nga nahimo sa suspect ang krimen tungod kay impluwensyado sa droga ug sa iyang palibot nga ginapasagdan ang mga kabataan kansang gawasnon sa paghimo sa bisan unsang krimen.
Sugyot ni Aguno sa mga ginikanan nga mag-alerto kanunay sa magbantay sa ilang mga anak ug ang barangay magpatuman sa seguridad ug programa aron maprotektahan ang mga tawo batok bisan unsang dautang panghitabo.
RadyoMaN Bernard Pantallon
