Sa interview sa DXDC RMN Davao kang NUP Rhian Gono sa Pantukan Municipal Police Station, iyahang gisaysay nga desidido ang ginikanan nga mapa-autopsy ang anak aron makumpirma kung gihilabtan ba kini ayha nakabsan sa kinabuhi.
“Ipa-autopsy man gyud sa ginikanan. Duda man ang ginikanan kay naa man gud daw wounds ang banda sa maselan nga (parte) sa bata. Maghulat nalang ‘ta og result sa autopsy,” sulti sa pulis.
Subay sa mga nakasaksi, alas 6:00 sa buntag sa maong adlaw sa dihang nakit-an pa ang biktima nga nagbaktas sa baybay, apan pasado alas 8:00 nakit-an na kini sa manangat ug mga residente nga naglutaw na sa dagat ug wala na nagginhawa.
Hustisya sab ang singgit sa pamilya ug nanghinaut nga mapanubag ang responsable sa krimen.
RadyoMaN Kirby Manzon
