Subay niini, sa interview sa DXDC RMN Davao kang Precious Manliguez, usa sa mental health advocate ug consultant sa Philippine Mental Health Association (PMHA) Davao Chapter, iyang gibutyag nga wala sab sila magtuo nga maestro pa ang makabuhi sa maong mga pulong.
“Nasubo gyud ta ani nga balita no kay halos di nato ma-expect bitaw nga ang mga personality nga gisaligan nato nga muhatag og quality service sa kabatan-unan labi na kana nga maestro sa skwelahan. Gina-consider nato sila nga good example, ehemplo sa values nga concrete nga magamit nato sa mga bata,” butyag pa ni Manliguez.
Sumala pa nga malipayon sila nga giaksyunan gilayon kini sa tulunghaan pinaagi sa pagpatanggal sa maestro ug paghatag og psychological support sa mga estudyanteng iyang gisultihan.
Gawas sa mga magtutudlo, gipanawagan sab sa PMHA ang mga ginikanan nga mualalay diha sa panimalay tungod aduna sab silay tulubagon o obligasyon sa mental health sa ilang mga anak.
“Managawan sad ta sa mga nahinahanglan og services, ang Philippine Mental Health Association (PMHA) Davao Chapter, nagpadayon og paghatag og services. Naa pud tay free counseling ug psychiatric consultation operations center under sa City Government of Davao.”
RadyoMaN Ivy Parido
