Ginpaboran sang Korte Suprema ang quo warranto petition batok kay anay Chief Justice Maria Lourdes Sereno.
Sa ginbasa nga desisyon, ginpahayag ni Supreme Court Spokesman Atty. Theodore Te nga walo ang nagboto pabor agud pahalinon si Sereno bilang Chief Justice.
Lakip sa mga nagboto pabor sa petisyon nga ginfile ni Solicitor General Jose Calida amo sanday Associate Justices Noel Tijam , Diosdado Peralta, Lucas Bersamin, Samuel Martirez, Alexander Gesmundo, Francis Jardeleza, Teresita Leonardo-De Castro kag Andres Reyes.
Samtang ginkontra naman nanday Senior Associate Justices Antonio Carpio, Presbitero Velasco, Marvic Leonen, Estela Perlas-Bernabe, Benjamin Caguioa kag Mariano del Castillo ang nasambit nga petisyon.
Bangud sa nangin desisyon, gindeklara nga baakante ang pwesto sang Chief Justice.
Madumduman nga nagbalik sa trabaho si Sereno kahapon matapos ang wellness leave kag ginpangunahan ang en banc session kaina sang aga apisar nagdistansya sa deliberasyon sa nasambit nga quo warranto petition.
(photo from web)
