GINKANSELAR | kandidatura ni Lambunao Mayor Jason Gonzales, ginkanselar sang Comelec , matuod nga nagdaug sa pagka-mayor, ginapa-proklamar sa Municipal board of canvassers.

Ginkumpirmar ni Atty. Elizabeth Doronila, Iloilo Comelec Provincial Supervisor nga ginkanselar sang Comelec 1st Division ang certificate of Candidacy ni Lambunao Mayor Jason Gonzales.
Ini may kaangtanan sa petition nga gin-file ni anay Mayor Vicente “Bugok”: Ramirez nga naga-kuwestyon sa residency ni Gonzales.
Suno kay Atty. Doronila nga base sa resolusyon nga ginpaguwa sang Comelec 1st Division, ginapaboran sini ang petisyon ni Ramirez kabangdanan nga ginkanselar ang kandidatura ni Gonzales.
Ginmanduan sang Comelec 1st Division ang Municipal board of canvassers sang Lambunao nga mag-reconvene kag i-proklamar ang matuod nga nagdaug sa pagka-Mayor sang 2016 elections.